Ginapahanumdom sang Department of Trade and Industry ukon DTI 12 ang mga bumalakal nga magfile sang consumer complaint sa tama nga ahensya angot sa mga reklamo sa ginabayaran nga produkto ukon serbisyo.
Suno kay DTI-12 Regional Director Jude Constantine S. Jaugan, bag-o pa man magsang-at sang reklamo sa nagakaigo nga ahensya sang gobyerno ang mag-una anay sa tindahan ukon establisyemento nga ginbaklan.
Apang suno kay Director Jaugan kon wala sang aksyon ukon indi kontento sa aksyon sang establishemento amo pa lamang ang pagfile sang consumer complaint sa concern nga ahensya.
Paklaro pa sang pamunuan sang DTI nga kon ang ginareklamo ang may kahilabtanan sa agricultural products sa Department of Agriculture magfile, sa Department of Trade and Industry para sa consumer products and services, Food and Drugs Administration para sa processed food, drugs and cosmetics, Bangko Sentral ng Pilipinas para financial transactions, Local Government Units para sa regulasyon sa public market at restaurants,National Telecommunication Commission para sa telecommunication services kag Civil Aviation Board para sa airline services.
Samtang para sa dugang nga gabay sa katungod sang konsyumers, sarang naman nga makapadulong sa pinakamalapit nga DTI ukon Negosyo Center.
