Ginapahanumdom sang Department of Trade and Industry ukon DTI 12 sa mga bumalakal sa pagbakal sang fireworks kag pyrotechnic products subong nga nagahilapit na ang selebrasyon sang paskwa kag bag-ong tuig.
Advise sang ahensya sa publiko nga magbakal lamang sa mga sertipikado kag awtorisado nga manufacturers kag dealers sang fireworks kag pyrotechnic products.
Indi naman magbakal sang mga fireworks kag pyrotechnic products nga wala sang nakabutang nga label sa diin makit-an ang impormasyon kapareho sang pangalan sang fireworks, classification kag intended use, brand ukon trade name, pangalan kag address sang manufacturer, instruction for use kag iban pa nga warning kag precautionary signs.
Base sa Bureau of Philippine Standards (BPS) Product Certification Scheme, ang mga manufacturers sang fireworks ang kinahanglan nga mag-apply para sa Philippine Standard (PS) license bag-o ang pagbaligya sang mga produkto.
Samtang ang mga manufacturer nga nagasunod sa polisiya sang Philippine National Standard on fireworks ang mahatagan sang PS License kag pasugtan nga gamiton ang PS mark sa ila mga produkto.
Sa ginpaggwa nga listahan sang DTI, ang mga manufacturers nga may PS Certification Mark License Issued for Fireworks ang Dragon Fireworks Incorporated, Diamond Fireworks Incorporated, kag Leegendary Fireworks Incorporated.
