DTI: ‘2 bottles of alcohol per transaction policy’ gi-apela

Davao City – Mi-apela karon ang Department of Trade and Industry (DTI) ngadto sa mga retailers nga ipatuman ang ‘2 bottles of alcohol per transaction policy’ aron kalikayan ang ‘artificial shortage’ sa suplay sa mga produkto sa alcohol, hand sanitizers, hand gels ug uban pang disinfectant.

Sa interbyu sa DXDC RMN Davao kang Belinda Ambi, Regional Director sa DTI-XI gibutyag niini nga aron malikayan ang ‘panic buying’ ug ‘hoarding’ sa maong mga produkto angay ipatuman sa mga retailers sama mga supermarket ug mga pharmacies ang maong palisiya.

“So just to rationalize the distribution nga mas daghan ang makapalit. Mao tong naay appeal, notice to the retailers to reduce their releases of alcohol and other hand sanitizers to at least two bottles per person or per transaction,” saysay ni Ambi.


Sa pagkakaron, gi-activate na sab ang Local Price Coordinating Council (LPCC) sa entero Davao region aron nga ma-monitor ang maong mga establisyemento ug retailers aron mahatagan og aksyon kung aduna kini paglapas kun ‘violations’ sa maong implementasyon.

RadyoMaN Kirby Manzon

Facebook Comments