Sa interview sa RMN Malaybalay ngadto kang Junar Merla ang Chief sa DTI-Bukidnon Consumer Protection Division, gibutyag niini nga dili pa lang dugay subli na kining gibuhi sa probinsyal nga panggamhanan sa Bukidnon ug gi-aghat nila ang mga LGU nga naa sa Bukidnon nga subling buhion ang price coordinating council tungod kay dakong tabang kini ilabina panahon sa kalamidad.
Nasayran nga dinhi sa siyudad sa Malaybalay, adunay ordinansa na niini nga namugna kaniadtong 2021 mao ang Malaybalay City Price Coordinating Council Ordinance (Ordinance No. 969) diin naglayon nga magpa-stabilize sa presyo sa mga nag-unang palaliton sa dakbayan ilabi na kay duol na ang panahon sa kapaskohan.
Kini nga council ang pinaka-una nga ordinansa nga nabuhat ug gipatuman sa tibook Region X.
Matud ni Merla nga tumong sa Local Price Coordinating Council nga mag-monitor sa mga presyo sa mga gipangbaligyang basic commodities, ug mao usab kini ang responsable sa panahon sa kalamidad aron walay mga negosyanteng makapahimulos sa pagpasaka og presyo sa ilang mga produkto.
