Ginaadvice sang pamunuan sang Department of Trade and Industry ukon DTI South Cotabato sa mga bumalakal nga kon pwede indi na sagad sang libot sa mga mall kundi diretso nga mamakal kon ano ang baklon agud nga malikawan ang pagginutok.
Suno kay DTI Provincial Director Rictoniel Reginio ini matapos nga ginaremind man nila ang mga establishemento nga sundon gid ang polisiya nga malikawan ang pagginutok sang katawhan tungod yara sa gihapon ang paandam sang COVID-19.
Samtang ginpahayag niya man nga kon pareho lang ang volume sang baklanay sang mga notchebuena products sang selebrasyon sang paskwa may bastante nga supply sang nasambit nga produkto para subong nga bag-ong tuig.
Ginkumpirmar man ni Reginio nga napadal-an na nila sang letter of inquiry ang mga major trading center sa syudad sang Koronadal nga naglapaw sa SRP sa ginabaligya nga mga notchebuena products.
