Ginasiguro sang pamunuan sang Department of Trade and Industry ukon DTI South Cotabato nga may-yara pa sang bastante nga supply sang prime kag basic commodities sa subong nga nagapadayon ang Enchanced Community Quarantine kag calibrated lockdown sa probinsya tungod sa paandam sang COVID -19 base sa latest nga monitoring sang ahensya.
Suno kay DTI OIC Provincial Director Rictoniel Reginio nga nagpasiguro man ang mga distributor nga indi sila maubusan sang supply sang mga basic kag prime commdities.
Ginpahayag niya man nga constant ang ila ginapatigayon nga monitoring sa supply kag presyo sang mga nagapanguna nga balaklon sa tunga sang ginapatubang nga krisis tuga sang COVID-19.
Ginkumpirmar ni Reginio nga sang ulihi na nga ini wala na sila sang napadal-an sang notice of violation tungod sa overpricing matapos nga ginapatuman ang price freeze sa subong nga panahon.
Ginaawhag niya man ang mga bumalakal nga mangin vigilante kag kon may nakit-an nga bayolasyon ang ireport gilayon sa ila nga talatapan agud mahatagan sang nagakaigo nga aksyon.
