Isa sa tatlo ka mga establishemento sa banwa sang Surallah nga ginmonitor sang Department of Trade and Industry ukon DTI South Cotabato ang nagbayolar sa Standards Law sa pagbaligya sang household appliances kapareho sang rice cooker, electric kettle, oven toaster nga wala nagtuman sa required product standard markings.
May-angot sini, suno kay DTI Provincial Director Rictoniel Reginio gin-isyuhan nila sang notice of violation ang nasambit nga establishemento kag ginapaidalom sa verification ang angot sa daan nga ICC mark nga gingamit sa nasambit nga mga household appliances.
Samtang suno kay Reginio magapadayon ang ila nga enforcement sa mga establishemento dire sa probinsya sang South Cotabato.
Apela niya naman sa mga bumalakal nga kon magbakal sang mga household appliances sikyaron gid kon bag-o ang ICC mark.
