DTI South Cotabato padayon nga ginapaandaman ang mga online sellers kag mga establishemento angot sa overprice nga baligyaanay sang produkto subong nga panahon sang pandemic.

Padayon nga ginapaandaman sang Department of Trade and Industry ukon DTI South Cotabato ang mga online sellers kag subong man ang mga establishemento dire sa probinsya nga ipatuman gid ang gintalana nga suggested retail price sa mga ginabaligya nga mga medical supplies, prime kag basic commodities.
Ini matapos suno kay Trade Industry Development Analyst Januel King Vertido nga sang tinalikdan nga adlaw nakumpiskar sa ginpatigayon nga entrapment operation sang CIDG South Cotabato upod ang FDA Regional Office kag nagserbi naman nga witness ang DTI-South Cotabato ang 50 ka gallon sang Natural Sanitizer Alcohol nga ginbaligya sang sobra sa SRP.
Suno pa sa iya ginbaligya ang nasambit nga produkto sa P850.00/gallon nga ang SRP ang P650.00/gallon nga ang mga nakumpiskar nga item ang ginturn-over naman sa opisina sangDepartment of Health dire sa rehiyon.
Ginkumpirmar man ni Vertido nga yara na sa walo ka mga letter of inquiry ang napadala nila sa mga establishemento dire sa probinsya nga may pagsaka sa presyo sang ginabaligya nga mga prime kag basic commodities base naman sa ginapatigayon nila nga supply kag price monitoring sa subong nga panahon sang COVID-19 pandemic.

Facebook Comments