iFM Laoag – Naibileg ti search warrant wenno iti legal a panagsukisok dagiti otoridad iti dua a lalaki a taga Sarrat, Ilocos Norte idi kalman Oktubre 29, 2019 babaen ti kooperasion ti Philippine Drug Enforcement Agency (PDEA), Philippine Drug Enforcement Unit (PDEU) ken dagiti kameng ti PNP Sarrat, Ilocos Norte.
Daytoy ket iti inparuk-at ni Honorable Judge Mervin Jovito S. Samadan, Acting Presiding Judge ti RTC Branch 70, Burgos, Pangasinan a naipetsa idi October 21, 2019 babaen ti implementasion ti SW wenno search warrant iti panaglabsing ti RA 9165 wenno iti Comprehensive Dangerous Drugs Act of 2002.
Nabigbig dagiti dua a naibilegan ti search warrant a da Florante Mateo, agtawen innem a pulo ket pito (67), naasawaan, ken residente ti 11 Brgy. Sta. Rosa iti ili ti Sarrat, ken iti anak na a ni Brandon Mateo, a ditoy nakompiskar iti maysa a sachet ti maipagarop naipagango a marijuana, maysa a lighter iti kaha ti sigarilyo, maysa a narolyo nga alluminum foil, ken iti maysa a berde a pouch a naglaon ti maigarop a shabu.
Daytoy a naiwayat nga operasion ti PDEA ken PDEU Ilocos Norte Provincial Office ket kalpasan iti naireport kadakuada mainaig ti actibidad dagiti agama isu nga insigida a nagkooperar dagiti kameng ti PNP ken iti ahensia.
Nu pay kasta naglikudan met ni Florante dagiti nakompiskar kenkuana ken iti agdama isuna paylaeng ti agdama nga adda iti kustodiar ti PNP-Sarrat. (Joe Anne Agustin, RMN News)
