General Santos City–Hugot nga ginapatuman karon sa Gensan Reformatory Center ang protocol batok covid-19 aron nga dili mataptan ang mga piniriso nga anaa sulod niini.
Sumala kang Jail Superintendent Peter Bongngat, Jail Warden sa Gensan City Reformatory Center nga buot nilang magpabiling covid-19 free jail facility ang Gensan Reformatory Center rason nga bawal una ang duaw sa mga piniriso.
Samtang, gi-angkon ni Jail Superintendent Bongngat nga bahad gyud sa seguridad sa city jail ang mga illegal settlers nga anaa sulod sa vicinity sa City Jail.
Sumala niya nga ang lugar kung asa nahimutang ang mga illegal settlers mao ang lugar kung asa nagakahitabo ang Jail Outbreak ingon man ang naunang pag-rescue sa pipila ka mga high risk inmate.
Tungod niini miapila sa hawanan sa konseho si Bongngat nga sila tabangan nga mapahawa sa lugar ang mga illegal settlers tungod dili usab nila gusto nga masudlan ug mga kontrabando nga i-agi sa maong area.(LVR)
