DUE PROCESS OF LAW | Parish priest sang banwa sang Dumarao, magapaidalom sa husto nga proseso sang laye sa kaso nga ginapangatubang

108

Roxas City, Capiz- Magapaidalom sa husto nga due process of law ang kaso ni Father Federico Lim, ang parish priest sa banwa sang Dumarao matapos ini ang nagpalupok sang armasluthang nga expired ang lisensiya.
Ini ang mismo ginpahayag ni Archdiocese of Capiz Mass Media and Social Communications Director Fr. Jose Arturo Emilio Arbatin.
Suno pa diri nga igapaidalom sa canonical procedures ang amo nga pari nga amo naman ang proseso sang pagpamati kag pag-imbestigar sa mga sitwasyon nga ginakadalahigan sang isa ka pari.
Gindugang ni Arbatin nga ginakalisod sang Archdiocese of Capiz ang natabo nga insidente nga ginkadalahigan ni Fr. Lim nga naghatag sang katublag sa balatyagon sang publiko.
Sa matandaan, ginpasakaan na sang kaso nga paglapas sa R.A 10591 ukon illegal possession of firearms si Father Federico Lim.

Facebook Comments