PLA NAVA.mp4
Indi nagakaangay nga mapatay si Mayor Jed Patric Mabilog sa pihak sang ginahaboy nga akusasyon ni Presidente Rodrigo Duterte nga ini ang protektor sang iligal nga druga sa syudad sang Iloilo.
Sa privilege speech nga ginpalayag ni Councilor Plaridel Nava sa session sa city council.
Iya ginpahayag nga kun hatagan sang due process ni Presidente Duterte si Mayor Mabilog, nakahanda ini nga magtestigo pabor sa alkalde.
Ginpahayag man ni nava nga bisan siya ang posible isa sa ginhalinan sang kontrobersiya nga ginaatubang ni Mayor Mabilog, indi sini mabatas nga makita ini nga ara sa sulod sang lungon.
Ginpanugyanan man sini si Mabilog nga magbalik na sa syudad sang iloilo bangud kinahanglanan na ini sang mga pumuluyo sa mga problema karon nga ginatubang sang syudad.
Samtang nagapati si Nava nga may grupo sa likod nga maluyag magguba kay Mabilog nga amo ang nagasugid sang mga sala nga impormasyon sa president.
