DUFF INDI LANG MAG HIBI| Last words ni Gabriel sa iya nobya antes naluthangan patay sang kapulisan.

15202

Ini ang ulihi nga mga tinaga nga nabatian ni Alyas Duff, nobya ni Gabriel Poblacion antes ini naluthangan patay sang mga pulis sa ginhiwat nga buy bust operation kagab e sa Zone 3, Barangay Tacas, Jaro, Iloilo City.
Suno kay Duff nga manug tulog na sila sang ila nabatian ang tinaghol sang ido sagwa sang ila puluy-an.
Sa ikatatlo nga taghol sang ido, didto nag sulod ang mga operatiba kag nag singgit nga “Dapa! Dapa!” kag gin pagwa si Duff dala nya ang 7 ka bulan nya nga bata, ang iya ginikanan kag utod.
Nabilin sa sulod sang puluy-an si Gabriel kag nakahambal pa sa mga operatiba nga ” Indi lang pagtanduga akon pamilya kay gina tuman ko man ang inyo ginapahimo”.
Pagkatapos sadto, 5 ka asud asud nga lupok ang ila nabatian sa sulod kag didto iya nabal-an nga patay na ang iya bana.
Si Gabriel ang 5 palang ka adlaw nga naka gwa sa presuhan sa kaso nga murder kag manug pakasal na sila kun tani sang iya nobya.

Facebook Comments