Davao City- Giasikaso sa lokal sa panggamhanan ang dugang pa nga mga testing laboratories sa Davao City alang sa mga suspected nga mga pasyente sa coronavirus disease 2019.
Gibutyag ni Davao City Mayor Sara Duterte nga tulo kini ka mga laboratoryo nga maoy mu-augment sa Southern Philippines Medical Center kun SPMC nga limitado ra sa 60-80 ka mga samples ang ma-tests kada adlaw.
Segun niini nitabang karon ang syudad sa mga medical facilities, usa niini ang Davao Doctors Hospital alang sa ilahang mga accreditation.
Ang SPMC nag-inusara lamang kini sa Mindanao ug usa sa 17 ka mga satellite laboratories sa nasud nga giila sa National Reference Laboratory.
Ang pondo gikan sa Bayanihan grant gikan sa national government ang gamiton sa para sa city government-run laboratory for COVID-19.
“We have money from the Bayanihan grant which will be submitted to SP next week. Nag allot ta didto og COVID-19 testing facility laboratory for Davao City,” matud sa mayor.
Himuong giya usab karon sa Davao LGU ang Marikina laboratory busa nakigalayon si Mayor Sara usa sa syudad sa Marikina diha sa i-establisar nga mga laboratoryo.
RadyoMaN Aimee Guinita
