Pagadian City – Midangat kagahapon dinhi sa probinsya ang dugang nga batch sa mga Locally Stranded Individuals (LSI) ug Returning Overseas Filipinos (ROFs) kinsa mga benepisyaryo sa #HatidProbinsya program.
Sa tala, mokabat sa 20 ang mga LSI ug 11 ROF’s nga gitagbo sa kagamhanang probinsyal ngadto saa Cagayan de Oro paingon ngari sa Zamboanga del Sur pinaagi sa provincial bus.
Nasayrang sa mao nga ihap, 3 ang sa Molave, usa sa Labangan, 8 ang taga syudad sa Pagadian, duha ang sa Mahayag, usa ang sa Dumalinao, duha ang taga lungsod sa Dimataling, duha sa Aurora, duha ang alang sa Tambulig, usa sa San Miguel, upat ang taga San Pablo, duha sa Josefina, duha sa Kumalarang ug usa ang sa Lapuyan.
Sa kinatibuk-an, mokabat sa 31 ang mga nakabalik dinhi sa probinsya.
Dali silang gipailalom sa mandatory rapid testing ug gikatakdang mag quarantine sulod sa 14 diyas base sa health protocol.
(Photo courtesy: Victory Zamboanga del Sur)
