Bibo na, blessing pa! Ini an tagpaabot na reaksyon nan mga nagkalain-laing negosyante na suod sa mga naglibot na Christmas decoration particular na sa luneta, human na gipasigahan na nan gobyerno an annual- christmas lighting sa sentro nan Surigao City.
Pipila ka mga Massage Therapists sanan Foot Reflexologists sa luneta an nalipay sa pagsiga nan mga christmas lights sa lugar, kun diin sumaya nila na ini makatabang sa ila kita.
Sumaya pa nan isa ka massage therapists na si Dondon Managan, na an mga atraksyon sa lugar makahamok nan mga tawo ug hilabi na sa ila mga costumer.
Dugang pa sab sa uban na mamaligyaay palibot sa luneta, na hamok na isab an mga mamalitay hilabi na pag gabie kay hamok an mangi-istambay sanan manuroy sa sentro nan syudad labina sa may Luneta.( RadyoMaN Winston Ensomo)
