Sa interbyu sa DXDC RMN Davao kang Reynaldo S. Pardillo, Presidente sa ACT – Davao City, gisaysay niini tungod sa kadako sa populasyon sa eskwelahan sama sa Sta. Ana National High School diin muabot sa 7,000 ang mga estudyante, magamit na og apil ang ubang mga pasilidad nga dili conducive alang sa pagtuon.
“Ang mga laboratory, kana for laboratory ra man gyud na siya. Kanang mga TLE nga laboratory, sa pagkakaron ginagamit na intawon (nga classroom),” saysay Pardillo.
Dugang ni Pardillo, nanginahanglan usab ang mga magtutudlo og mga gadget nga magamit sa pag-improbar sa kalidad sa edukasyon alang sa ilang mga tinun-an.
Nasayrang gipatuman gihapon sa eskwelahan ang mandatory nga face mask luyo sa paghimong optional sa paggamit niini sa indoor settings.
RadyoMaN Kirby Manzon
