Dugang Davao schools target ablihan alang sa F2F classes

Davao City – Naghinamhinam na si Marelyn Gumanid, taga Panacan, Davao City alang sa iyang mga apo nga mahilakip sa face-to-face (F2F) classes diin ginalauman karon sa City Government of Davao nga maablihan na ang tanang eskwelahan alang niini.

Matud ni Marelyn, 68 anyos nga kampante kini sa F2F classes diin bakunado na batok Coronavirud Disease 2019 (COVID-19), ang iyang mga apo nga nag-eskwela ug ang ilang tibuok pamilya.

“Okay na man siguro kay mura’g kadaghanan vaccinated na man unya nakapa-booster na sila. Okay na man siguro na’ng mag face-to-face pero mag-amping lang pud gyud,” sulti ni Marelyn.

Matud ni Davao City Mayor Sara Duterte-Carpio (sa livestream interview sa iyang Facebook page), lahi ra gyud ang F2F learning kung itandi sa online o blended learning nga gihimo tungod sa pandemya.

Kini usab karon ang ginapaningkamutan sa Local Government Unit (LGU) sa pagpanguna sa Department of Education (DepEd).

“By phases ang pag-open sa face-to-face classes sa atoang mga public schools and gibuhatan na ni siya og plano sa atoang Department of Education. Hopefully, within the next three months, maablihan na nato tanan mga eskwelahan nato for face-to-face classes,” matud sa alkalde.

Samtang, ipailawom gihapon sa COVID-19 Alert Level 1 ang Davao City ug lain pang 47 ka lugar sa nasud sugod karong adlawa, Marso 16 hangtud Marso 31, 2022 base sa Inter-Agency Task Force (IATF).

RadyoMaN Kirby Manzon