South Cotabato—aprobado na sa hawaan sa Konseho ssyudad sa Koronadal ang usa ka resolution nga naghangyo sa Police Regional Office-12 nga sila dungagan ug dugang ihap sa kapulisan alang sa syudad.
Ang resolution namugna human gibutyag ni Koronadal City PNP Director Allan Peñaberde nga kuwang ang ihap sa ilang kapulisan mao nga wala matutukan ang kaso sa sunod-sunod nga motornapping sa Koronadal.
Base sa datus anaa lang sa 111 ka mga pulis ang nakadistino sa Koronadal City PNP kuwang sa ihap sa populasyon sa syudad nga mukabat sa 180,000.
Positibo usab ang mga konsehal sa Koronadal nga aprobahan sa PRO-12 ang ilang hangyo nga dugang ihap sa kapulisan. Nasayran nga gawas sa motornapping problema sad sa syudad ang pagdaghan sa mga “BATANG SUKARAP” nga nagmugna usab sa gubot sa lugar sama niining rumble.
