Gihangyo karon sa Regional Internal Affairs Service o RIAS 10 ang national headquarters sa Internal Affairs Service o IAS nga hatagan sila og dugang mga personahe.
Kini pinaagi sa Regional Advisory Council sa RIAS 10 nga mihimo og resolusyon nga naghangyo og dugang 18 ka personahe nga mabutang sa lima ka Provincial Internal Affairs Service ug sa Cagayan de Oro City Internal Affairs Service.
Nasayran nga base sa IAS staffing pattern kulang pa sa 41 ka personahe ang RIAS 10.
Tumong sa paghangyo og dugang personahe nga daling maimbestigahan ug masulbad ang nagkadaghan nga kasong administratibo sa mga pulis nga gihawiran karon sa RIAS 10 ug malikayan ang Zero Backlog Policy sa Internal Affairs Service.
Facebook Comments
