Nagpahayag sang kasubo si City Agriculturist Mr. Romulo Pangantihon, ang in- charge sang Beautification Program sang Iloilo City Government sa kakulang sang disiplina sang publiko sa paghaboy sang ila basura.
Suno kay Pangantihon bisan ano ang paghimakas sang syudad nga matinluan ang esplanade kag diversion road kun wala sang disiplina ang public, indi gid madula ang higko sa lugar.
Paathag ni Pangantihon sadtong ti-on ni anay Mayor Jed Patrick Mabilog plano himuon nga discipline area ang esplanade kun sa diin wala sang ibutang nga basurahan agud madisiplina ang publiko nga dal-on pauli ang ila basura.
Subong man natalupangdan nga sa gihapon nagapinagusto lang sang paghaboy sang ila basura ang mga nagabisita sa lugar.
Bangud sini plano ni Pangantihon nga magduso sang proyekto nga butangan sang basurahan nga nagasanto sa esplanade.
Paathag ni Pangantihon nga kun ang basurahan nga nabutang sa lugar may mga pinta ukon dekorasyon matahap man maghaboy sang ila dalagko nga basura ang publiko.
Katuyuan sang amo nga mga basurahan nga mangin bulutangan lang sang mga petty trash ukon magagmay nga basura suno pa kay Pangantihon.
Photo by: Iloilo Esplanade @ FB
