SYUDAD sang Iloilo – May dugang pa nga mga establishments nga nakitaan sang violations sa paglibot sang Task Force on Moral Values and Formation kag Business Permit and Licensing Division ukon BPLD.
Suno kay TF on Moral Values and Formation Head Mr. Nestor Canong ini nga mga establishments amo ang Hideout, De uso, El amigo Estambayan, Code White, View Point, Bay Sadya kag Antonette Talabahan.
Ginbuyagyag ni Canong nga natukiban sa inspection nga wala sang business permits ang mga natungdan nga establishments.
Gin-ako ni Canong nga closure ang ila rekumendasyon bangud mas dako ang nangin violation sang mga ini.
Nagapati man si Canong nga suportahan ni mayor Jerry Treñas ang ila rekumendasyon.
Una na nga ginpasaraduhan ang syam ka mga establishments sa sulod sang lima ka adlaw bangud sang paglapas sang general guidelines sang EO 46 nga nagapahanugot sa pagbaligya sang makahulubog nga ilimnon sang lampas sa las dos sang kaagaahon matapos ginrevoke ang EO 146 nga nagapatuman sang liquor ban sugod alas dos sang kaagahon.//via Joel Franco reports
