Dugang nga mga residente sang Barangay Mongpong Roxas City, nagpirma sang petisyon nga nagapamatuk sa pagpatindug sang crematorium sa ila lugar!

12

Roxas City, Capiz – Dugang nga 40 tanan ka mga indibidwal nga lunsay residente sang Barangay Mongpong, Roxas City ang nagpirma sang petisyon nga nagapamatuk sa pagpatindug sang crematorium sa ila lugar.
Nakasaad sa nasambitan nga petition letter nga hugot nila nga ginabalabagan ang pag-establisar, pagconstruct kag pag-operate sang nasambitan nga crematorium sa ila barangay.
Nagapati ang mga residente nga may yara ini sang dako nga epekto sa pisikal kag psychological health and wellness sang isa ka tawo.
Ginpanawagan man sang mga ini sa natungdanan nga talatapan nga i-deny ang anuman nga aplikasyon para sa permit, clearance kag lisensya para sa konstruksyon ukon operasyon sang crematorium sa Barangay Mongpong.
Kalakip sa ginpadal-an sang amu nga petition letter amu ang talatapan sang alkalde, Sangguniang Panglungsod, City Health Office(CHO) kag pamunoan sang Barangay Mongpong.
Samtang ginpahayag ni retired police Gaudencio Azarcon nga tuman ka delikado ukon ‘hazardous’ ang nasambitan nga pag-establisar kag konstruksyon sang crematorium sa Barangay Mongpong, Roxas City.
Bilang isa ka residente nga malapit gid sa amo nga lugar, dako sini ang mangin epekto sa ila ikaayong lawas pananglitan nga mag-operate na ang nasambit nga crematorium.
Nahibaluan nga ang nasambitan nga building ang igapahamtang sa isa ka subdivision kun sa diin madamu sang panimalay kag tawo.

Facebook Comments