Nagpasar sang duha ka mga resolution ang Brgy. Council sang Brgy. Saravia, Koronadal City paagi kay Kagawad Jose Raymond Marin, Chairman sang Committee on Transportation, Energy Conservation and Communication para malikawan ang disgrasya sa dalanon sa nasambit nga barangay.
Una sa resolusyon nga ginpasar addressed kay Koronadal City Mayor Eliordo Ogena nga mabutangan sang PNP checkpoint ang Purok Ilang-ilang tungod sa madasig nga pagpadalagan sang mga salakyan nga nagaresulta sang disgrasya kag kamatayon sang mga biktima sa nasambit nga lugar.
Ini matapos nga sang 1st quarter subong nga tuig naglab-ot sa 11 ang narekord nga vehicular sa barangay Saravia sa diin lima ka mga indibidwal ang tigayon nga nabawian sang kabuhi.
Ikaduha nga resolusyon nga ginpasa sang komite ni Councilor Marin ang addressed kay 2nd district Congressman Ferdinand Hernandez nga nagahingyo sang pondo para sa uniporme sang 30 ka mga rescuers sang Brgy. Saravia nga nagapanguna sa pagrespondir sa tion sang kalamidad kag vehicular accident.
Nagpasalamat naman si Kagawad Marin nga gin-aprobahan sang kongresista ang ila nga hingyo.
Nagapati naman ang opisyal nga paagi sa nasambit nga inisyatbo malikawan ang nagaluntad nga vehicular accident sa ila nga barangay.
