General Santos City— Pormal ng giturn-over sa lokal nga panggamhahan sa dakbayan ang dugang police asset sa GenSan City Police Office sama sa 12 ka set nga bullet proof vest nga pagagamiton sa SWAT team.
Sumala kang Gensan City Mayor Ronnel Rivera nga kulang gyud ang ihap sa mga personahe sa dakbayan ug wala silay mahimo niini gumikan ang national headquaters man maoy gapadala ug tropa rason nga sila sa LGU, ang ilahang mahatag mao lang ang dugang nga mga himan.
Panghinaut man usab ni Mayor Rivera nga pinaagi sa dugang nga mga himan, mas mahimo sa kapulisan ang ilahang mandato, gani milabay’ng tuig, adunay mga armas nga gihatag usab ang LGU Gensan ngadto na sa kapulisan.
Dugang pamahayag ni Mayor Rivera nga gawas sa bullet proof vest aduna usab walo ka mga patrol cars ang nakatakdang idugang ngadto sa walo ka police station sa dakbayan.
Posible matud pa nga karong bulan sa Pebrero ma-turn over ang maong mga sakyanan. Gani, anaa na ang walo ka mga sakyanan ug ginahulat nalang ang mga dokumento aron nga gilayon ng magamit sa kapulisan.
Pag-angkon niya nga medyo nadelatar gyud ang walo ka mga patrol cars nga milabay’ng tuig pa gisaad gumikan sa kanunay nga failure of bidding nga dili mamahimong dili tumanon ug dili sundon ang proseso.
