General Santos City–Gawas sa pwersa sa General Santos City Police Office ug Joint Task Force Gensan nga magbantay sa umaabot nga pyesta ni Senior Sto. Niño sa Barangay Bula, mihangyu pa ang Hepe sa Police Station 6 ug dugang police gikan sa Police Regional Office 12 ug dugang sundalo gikan sa usab sa unit sa AFP aron nga mutabang ug bantay sa seguridad sa kinatibuk-ang barangay.
Sumala pa Police Chief Inspector Bryan Oneil Salvacion, Chief Of Police sa Police Station 6, nga wala sila gakumpyansa ug paghatag ug siguridad sa katawhan nga mutambong sa maong kapyestahan hinungdan nga mas maayo kung daghan ang pwersa nga ibutang sa maong sa lugar nga ipahigayon ang aktibidad.
Gawas matud pa sa dugang sundalo ug mga pulis mag butang usab sila ug k9 unit palibot sa simbahan ug uban pang area kung asa paga himuon ang prosesyon aron usab nga masiguro nga dili malutsan sa dautang mga elemento.
Mas maayu matud pa nga maka siguro sa seguriodad bisan paman ug walay bahad sa dautang grupo ang maong aktibidad. nasayran nga gilauman nga dugukon ug 20 hangtod sa 25 mil ka mga tawo ang barangay atol sa kapyentahan ni Senior Sto Niño karong umaabot nga enero 15. (Dave Silagan)
