Dugang pwersa gi-deploy sa TaskForce Davao

17

Davao City – Na-deploy na sa Task Force Davao ang dugang pwersa sa kasundaluhan nga mubantay sa seguridad sa syudad atol sa Davao Region Athletic Association (DAVRAA) meet 2018 karong Pebrero 17-23.

Matud ni TFD Commander Col. Nolasco Mempin naggikan ang augmentation force sa 10th Infantry Division.

Hugot nga bantayan sa kasundaluhan ang mga billeting areas sa mga atleta.

Mas gipahugtan pa karon sa militar ang pagbantay sa mga mga checkpoints, Davao Overland Transport Terminal ug mga pantalan aron masegurong dili sila malutsan sa mga dautang elemento nga buot musabwag og kasamok atol sa davraa meet.

Wala magpakumpyansya si Mempin human nga adunay narekober nga IED niadtong niaging semana pila ka kilometres gikan sa nahimutangan sa Lasang checkpoint.

Nangayo og pagsabot ang opisyal ngadto sa mga bisita nga mutuman lamang sa mga ordinansa ug makigkooperar sa mga inspeksyon.

RadyoMaN Aimee Guinita

Facebook Comments