Terror suspects transfer gikalipay

52

Davao City – Dako pasalamat sa Bureau of Jail Management and Penology XI sa lokal nga panggamhanan sa Davao City ug sa Supreme Court of the Philippines sa paghatag og tubag diha sa pagbalhin sa mga suspek sa Davao Roxas Night Market Bombing ug IGACOS kidnapping.

Sa interbyu sa DXDC 621 Rmn Davao gikumpirma ni Bjmp Xi Jail Insp. Edo Lobenia nga nabalhin na ang siyam ka mga high risk inmates didto sa Bureau of Jail Management and Penology (BJMP)-Special Intensive Care Area (SICA) sa Camp Bagong Diwa, Bicutan, Taguig City niadtong adlawng Dominggo.

Giila ang pito ka mga Maute Members nga sila Wendel Facturan, Musali Mustapha, Tj Macabalang, Zack Jaron Lopez, Jessy Vincent Original, Jackson Usi, ug Alisa Mamasapano.

Samtang ang duha ka mga ASG members mao sila Arkan Isnaji ug Fauzia Abdulla.

Matud ni Lobenia ang pito ka mga Maute Group nagatubang og kasong Multiple Murder, Multiple Attempted Murder ug Terrorism samtang ang duha ka mga sakop sa ASG adunay kasong Kidnapping with Homicide.

Kahinumduman nga ang mga Maute Group maoy gitudlong responsible sa Roxas Bombing nga nikalas og kinse ka mga kinabuhi ug 69 ang samdan niadtong Setyembre 2, 2016.

Niadtong Setyembre 21, 2015 ang Abu Sayyaf ang mga suspek sa pag-kidnap kang Canadian National John sa usa ka resort sa Samal, Davao Del Norte.

RadyoManN Aimee Guinita

Facebook Comments