Dugang sundalo gideploy sa Davao terminal

Davao City – Nag-deploy og dugang personahe ang Task Force Davao sa Davao Overland Transport Terminal.

Sumala ni TFD Commander Col. Consolito Yecla, kini aron masiguradong malukop og bantay ang pagdugok sa mga pasaherong manguli sa ilahang probinsya nga mu-botar karong Lunes atol sa Midterm Local and National Elections.

Gipangtanggal na ang mga unauthorized vendors sulod sa terminal.


Matud ni Yecla nagpahigayon usab sila’g clean up drive ug gipangkuha na nila ang mga dagkong basuran nga pweding mabutangan og eksplosibo.

Hugot nga panginspeksyunon sa militar ang tanang bus, tao ug mga bagaheng musulod sa syudad partikular na sa tulo ka mga checkpoints.

Gibutyag sa labaw sa TFD nga target nila nga mamahimong hapsay ug tunhay ang eleksyon karong tuiga.

RadyoMaN Aimee Guinita

Facebook Comments