Makaangkon ug seguridad sa pagpuyo ang dugang 50 na usab ka mga benepsiyaryo sa Piso-Piso Program tungod kay madawat na nila ang titulo sa ilang yuta ugmang adlawa, Sabado Enero 27, 2018.
Namahayag si Engr. Armen Cuenca, Executive Director sa Task Force for Emancipation of Piso-Piso Beneficiaries (TFEPB) nga ang modawat sa titulo sa ilang yuta mao ang mga benepisyaryo gikan sa Brgy. Mambuaya (40), Isla Cupa, Brgy. Consolacion (2) ug PAtpat, Brgy. Lumbia (18).
Nasayran nga dul-an na sa 300 ka mga benepisyaryo sa Piso-Piso Program ang gikatakdang modawat sa titulo sa ilang yuta apan gi-grupo kini sa TFEPB ang paghatag sa maong titulo.
Kini nga programa ang prayoridad karon ni Mayor Oscar Moreno ug kini usab ang tumong nga iyang gimugna ang TFEPB nga gipangulohan ni Atty. Edgar Cabanlas sa tinguha nga mahatagan ug seguridad sa pagpuyo ang mga benepisyaryo sa Piso-Piso Program aron hingpit na nga makalingkawas sa hikot sa pulitika.
Aduna ka bay komentaryo kalabot ni-ining estorya? Mamahimo nimong ipabuhagay sa comment box sa ubos.
Source and Photo Credit: CIO
