Iligan City – Natubag na ang dugay nang gipangandoy sa barangay upper tominobo dinhi sa iligan nga makaangkon ug bag-ong barangay hall.
Kini human pormal nang gi-turn-over kagahapong adlawa ang 2.8 million pesos nga kantidad sa bag-o ug pulidong dos andanas nga barangay hall.
Mismong si DPWH 2nd District Lanao del Norte Assistant Engineer Saidale Mitmug ang mi-turn-over sa yawe sa maong barangay hall ngadto ni Upper Tominobo Barangay Kapitan Rolando Lapas.
Sa iyang mensahe gipasalamatan ug daku ni Lapas ang DPWH nga maoy midesinyo ug mikuha ug kontraktor aron ma trabaho ang ilang barangay hall.
Lakip sa gipasalamatan ni Lapas si Iligan Lone District Congressman Frederick Siao kinsa maoy naningkamot aron mahatagan ug pundo ang nasangpit nga barangay hall.(Ghiner L. Cabanday, RMN-DXIC Iligan)
