“ Dugong ’’ patay nga nadagsa sa baybayon sa Dipolog Boulevard

433

Dipolog City – Gibana banang 200kls ang gibug-aton ug mga 2-metros ang gitas-on sa usa ka dugong nga nadagsa’ng patay sa baybayon sa Dipolog Boulevard karon buntag.

Sa nakuhang impormasyon sa RMN-DXDR, mga alas 5:45 sa buntag ang mga nag-jogging sa dapit maoy nakita sa maong dugong nga gidayon gitaho sa mga otoridad.

Nasuta nga wala hinuoy samad ang lawas niini apan dunay pagdugo sa ilong sa maong marine mammal.

Sa interview sa RMN DXDR kang OIC BFAR Mr. Rey Tercio, gikonsederar niining usa ka endangered species ang dugong, diin first time matud pa kining nidagsa sa baybayon sa Dipolog og kahibulongan nga anaa diay presenya sa ingon ining mammal sa atong kadagatan.

Sa karon ilaha pang eksaminon ang dugong aron matumbok kon unsay gikamatyan niini.

Facebook Comments