Patay ang usa ka traffic enforcer human kini gipusil sa riding in tandem alas 10:36 ang takna sa gabie sa may Zone 6 B Barangay del Carmen ning dakbayan sa Iligan.
Sa inpormasyon nga gipadangat ni PNP Spokesperson Police Chief Inspector Jovanie Cabusas , ang biktima nailang si Ulysees Bolante y Rago 30 anyos single usa ka traffic enforcer ug residente sa nasangpit nga barangay.
Ang biktima naka angkon ug daghang samad pinusilan sa ulo ug sa tuong bahin sa bukton gikan sa calibre .45 pistola ug gideklarang patay sa rescue 811.
Base sa mga testigo, nakita nila ang riding in tandem nga mipusil sa biktima nga nagsuot ug itom nga jacket ug helmet nga daling misibat sa wala matino nga direksyon.
Padayon ang imbestigasyon sa kapulisan labot sa maong insidente.
(photo credits to the owner)
| | Virus-free. www.avast.com |
