General Santos City— Naugdaw ang canteen sa SPED Integrated School nga nahimutang sa Prk. Malipayon, Brgy. San Isidro ning dakbayan.
Sumala kang SFO2 Lee Michel Perfiñan, labaw sa Intellegence and Investigation Unit sa BFP Gensan nga basi sa pamahayag sa mga biktima nga improvised stove ang hinungdan sa sunog.
Giila niini ang mga biktima nga silang Jay-Ar Embudo ug Micheal Pitorio nga samang nakaangkon ug 2nd degree burn sa ilahang mga kamot.
Dugang pamahayag ni SFO2 Perfiñan nga gibana-banaang mukabat sa 50mil ka pesos ang inisyal nga damyos sa maong sunog kung asa ginama sa light materials ang maong canteen.
Swerte matud pa nga walay naapil sa maong sunog gumikan nahimutang man ang canteen giklid sa gym sa SPED.
Panawagan man usab niini ngadto sa mga nagabaligya hilabi na sa mga nagaluto nga likayan nalang ang paggamit ug improvised nga mga stove aron dili mabutang sa peligro.
