TALISAY CITY, NEGROS OCCIDENTAL – Duha ka mga tawo ang nadakpan sa akto illegal nga nagabaligya sang gasolina nga nasulod sa botilya sang softdrinks.
Sa ginpatigayon nga operasyon sang Talisay City Police Station sang nagligad nga adlaw, natigayon nga madakpan sanday Augusto Leliza, 25 yrs old, residente sang Purok Rosal, Brgy 10 kag si Jony Bautista, 57 anyos ang edad, pumuluyo sang Brgy Concepcion, Talisay City.
Ini sila ang natalana nga pasakaan sang kaso nga violation sang Presidential Decree 1865 ukon ang Illegal Trading of Petroleum Products.
Lakip sa mga na-recover sang police amo ang 5 ka tag-one liter bottle sang unleaded gasoline, 6 ka tag-one liter bottle sang premium gasoline, mga containers subong man ang duha ka drum nga may unod ang gasolina./Contributed photo
