General Santos City—- Dakpan sa gipahigayong buybust operation sa Police Station 4 ang usa ka Ronnie Sasa, 28 anyos nga residente sa Promise Land, Brgy. Mabuhay ning dakbayan ug Christian Algosero, 21 anyos nga residente sa Prk. 11 b, Brgy, Fatima.
Sumala kang Police Chief Inspector Rexor Canoy, hepe sa Police Station 4 nga ala una pasado ang takna sa hapon dihang gihimo ang operasyon sa panimalay matud sa suspek nga si Sasa.
Pag-angkon niini nga wala sa ilahang watchlist ang suspek nga si Sasa apan ilado matud pa kining nagabaligyaan ug illegal nga droga. Dugang pamahayag ni PCI Canoy nga nakuha gikan sa posisyon sa mga suspek ang tulo ka sachet sa gituuhang shabu ug 500 ka pesos nga buybust money.
Pagpaklaro niini nga sagad ng rason sa mga dinakpan nga wala silay kalabutan sa illegal nga droga ug planted ang mga ebidensya. Kasong paglapas sa Sec. 5 ug 11 sa R.A 9165 ang nakatakdang ipasang-at batok sa mga suspek nga kasamtangang balhog sa lock up cell sa Police Station 4.
