General Santos City— Dakpan sa magkasunod nga operasyon batok illegal nga droga sa Police Station 7ang duha ka indibidwal human mapalitan ug illegal nga droga.
Giila ni Police Senior Inspector Fernando Manuel Jr., hepe sa Police Station 7 ang mga suspek nga silang Rexan Ramos, 25 anyos nga taga Prk 4, New Mabuhay, Gensan ug usa ka Jay Sorongon, 45 anyos nga taga Silway 8, Polomolok, South Cotabato
Sumala niya nga unang naaresto si Ramos kung asa aals 8 pasado ang takna sa gabii natigayon ang operasyon atbangan sa usa ka pampublikong tunghaan sa may Fil-Am Avenue, Brgy. Fatima.
Nakuha gikan sa iyahang posisyon ang usa ka bundle sa pina-ugang marijuana ug 500 ka pesos nga buybust item ug laing duha ka bundle sa marijuana kantidad 6mil ka pesos.
Samtang si Sorongon ang nadakpan human sa gihimong follow up operation kung asa kini ang nadakpan duol lang sa lugar kung asa nadakpan si Ramos. Si Sorongon ang gitudlong source sa drogang ginabaligya ni Ramos.
Narekober gikan kang Sorongon ang 500 ka pesos nga mark money ug buybust item ug laing duha ka bundle sa marijuana kantidad 3mil ka pesos. Sa kasamtangan ang mga suspek ang balhog na sa lock up cell sa Police Station 7 ug nakatakdang pasakaan ug kasong pagsupak sa sec. 5 ug 11 sa R.A 9165.
