Davao City – Giisyuhan og citation ticket ang duha ka mga tawo nga nakalapas sa Republic Act 9211 kun Tobacco Regulation Act of 2003 sa buhatan sa Tugbok PNP.
Mga dinakpan naila nga sila si Robert Fuentivilla, 33 anyos, nasapnan nga nanigarilyo sa may Brgy. Ula, Tugbok District ning siyudad.
Lain pang nasikop sa kapolisan ang usa ka taxi driver nga si Roger Ombos Ambuat, 45 anyos, nasapnan nga nanabako usab dha sa may Gumamela St. Tugbok.
Bisan pa man nagkamahal ang presyo sa maong bisyo, daghan pa gayud ang mga tawo nga nagtangkiling sa ingon niini nga binuhatan samtang walay undang ang kapolisan nga maggukod sa mga malapason sa balaud.
Matud pa sa uban nga dili gayud nila kalikayan nga manigarilyo ilabi na kung wala silay lingaw ug naanad napod sila bisan nakita na ang mga ‘warning message’ sa mga pakete sa sigarilyo.
RadyoMaN Paul Canono
