GENERAL SANTOS CITY – Duha ka illegal drug personality ang nadakpan samtang usa ang nakasibat sa operasyon sa City Police Drug Enforcement Unit niaging gabie og kadlawon.
Giila ang mga suspek sa imbestigasyon sa kapolisan nga silang Richard Rufino alyas Dodong 26 anyos ultiawo ingon man silang John Eric Bulat-ag alasy Janjan 19 anyos uliwato og ang nakasibat nailhang sa pangalang Dodong Conde hamtong ang edad parehong nagpuyo sa Litan Phase II Barangay Sinawal.
Unang nadakpan si Rufino alas-11:10 Martes sa gabie sa maong lugar kung asa napalitan sa poseur-buyer nga pulis ang suspek og usa ka pakete sa shabu kauban ang 500 pesos nga marked money og may illegal drug paraphernalia pang nakuha.
Samtang sa follow up operation takna alas-2 sa kabuntagon adlawng Myerkules nadakpan silang Bulat-ag apan nakasibat si Conde.
Narekober kay Bulat-ag ang usa ka pakete sa shabu samtang nakamatikod si Conde nga pulis ang iyang ka-transaksyon hinungdan nga misibat dala ang natunol nga 500 pesos na buy-bust money.
Kasong pagsupak sa Comprehensive Dangerous Drugs Act ang atubangon sa tulo nga ipasang-at sa CPDEU ngadto sa piskalya.
For more info’s and updates, like and share our official facebook account : www.facebook.com/ifm91.9Gensanofficial/
