Duha ginbanggaan pinangtiro, naospital

707

MOISES PADILLA, NEGROS OCCIDENTAL – Duha ka mga lalaki ang ginpangtiro sang duha man ka mga suspek kagab-i sa Brgy. Crossing Magallon, Moises Padilla.

Ang mga biktima ginkilala nga sanday Judy Buenafe, 48 anyos, kasado kag Eljohn Mongcal, 28 anyos, soltero, lunsay mga laborer kag pumuluyo sang Sitio Exudos, Brgy. Crossing Magallon, Moises Padilla.

Samtang ang mga suspek naman ginkilala nga sanday Leomar Magbanua, 30 anyos kag Jimmy Magbanua, 50 anyos, lunsay mga laborer kag pumuluyo sang amo man nga lugar.

Suno sa imbestigasyon sang Moises Padilla Municipal Police Station nag insidente natabo may mga las 9:45 kagab-i sa lugar man lamang sang mga biktima kag suspek.

Ginpahayag nga magapauli na kuntani ang 2 ka mga biktima sang ini sila ang ginbanggaan sang mga suspek nga nagpanago sa madulom nga bahin sang dalan kag hinali na lamang nga ginpang tiro ang mga biktima.

Si Judy ang naigo sa iya tiyan samtang si Eljohn naman ang naigo sa iya tuo nga kamot.

Dali-dali nga gindala sa Isabela Hospital ang mga biktima apang sang ulihi, ini sila ang ginsaylo sa is aka ospital diri sa Bacolod.

Gilayon nga nagpatigayon sang hot pursuit ang mga police gani nadakpan si Leomar samtang padayon nga at large si Jimmy./DYHB NEWSROOM

Facebook Comments