Driver sang motor patay sang nabungguan sang awto nga nadulaan kontrol ang manebela

278

SAN CARLOS CITY, NEGROS OCCIDENTAL – Patay ang isa ka soltero matapos nga nabungguan sang isa ka awto ang iya ginamaneho nga motor kahapon sang hapon sa area sang Brgy. Punao, San Carlos City.

Nakilala ang biktima nga si Arnel Caballero, 25 anyos, residente sang Sitio Alasi-is, Brgy. Bagonbon, San Carlos city, driver sang XRM nga motor.

Samtang ang suspek naman nga naga-drive sang Lancer nga salakyan ginkilala kay Cleoven Repetillo, 39 anyos, kasado kag pumuluyo sang Brgy. Punao Proper, San Carlos City.

Suno sa imbestigasyon sang San Carlos City Police Station ang insidente natabo may mga las 3:55 kahapon sang hapon sa national highway malapit sa KM 142, Brgy. Punao, San Carlos City.

Nagluntad ang amo nga traffic accident sang ang Lancer nga nagadalagan pa-norte nga direksyon ang nadulaan sang control sa iya steering wheel rason nga nagliso ini sa left lane kag aksidente nga nabungguan, head on ang motorsiklo sang biktima nga padulong naman sa sur nga direksyon.

Nag-angkon sang kapilasan sa iya ulo kag iban pa nga parte sang lawas ang biktima kag gindasla sa San Carlos City Hospital apang gin-pronounce dead on arrival./DYHB NEWSROOM

Facebook Comments