[image: IFM 919 Logo (1).jpg]
Nag atubang na og mga kasong may kalabutan sa pagsupak sa balaod batok anti-illegal drugs ang duha ka high value target human silang madakpan sa operasyon sa Philippine Drug Enforcement Agency 12 niaging mga adlaw sa managlahing lugar.
Unang nadakpan niaging Sabado ang suspek nga si Randy Diot, 34 anyos og resident Purok Sto. Nińo, Brgy. Poblacion, Tampakan, South Cotabato nga target listed sa PDEA 12.
May ebidensyang iligal nga droga nakuha sa suspek human sa buy bust operation kung asa nagbalor og 34 mil pesos ang kantidad sa iligal nga droga.
Samtang sa adlawng Dominggo nasikop ang suspek nga si Arnel Perez, 38 anyos og residente sa Purok Everlasting, Brgy. Malandag, Sarangani Province.
Napalitan og iligal nga droga ang suspek hinungdan sa iyang pagkasikop.
Anaa sa target list usab sa PDEA si Perez nga nagsilbing empleyado sa pribadong kompanya apan human sa trabaho ga-sideline sab kini og pamaligya ug shabu matod pa sa PDEA.
Ang mga suspetsadong nakasuhan nagpabilin anaa sa detention facility sa PDEA 12.
