Ozamis City – Gitutukan karun sa kapulisan ang ang angulong “onsehan” ug love triangle ang hinungdan sa pagpusil patay kang si retired chief of prosecutors Geronimo Marabe Jr. sa Ozamiz City, Misamis Occidental.
Mahinumduman nga gipusil patay sa upat kalalakin-an nga sakay sa duha ka motorsiklo si Marabe samtang anaa sa sulod sa sakyanan nga gikan nitambong hearing sa manghud ni late City Mayor Reynaldo “Aldong” Parojinog Sr. nga si Melodina Parojinog ug Gaudencio Malingin sa maong syudad kagahapon sa buntag.
Sumala ni Ozamiz City Police Office chief, Chief Insp. Jovie Espenido nga dili imposibleng gipapatay ang biktima sa suspected druglord nga si Jeden Duhaylungsod nga bag-o lang gawasnon human nakapyansa korte.
Una na nga nagbahad si Duhaylungsod nga mobalos siya sa mga Parojinog.
Usa matud pa si Marabe sa target kay nidapig kini sa magti-ayon nga Parojinog-Malingin.
Gisundan usab ni Espenido ang mga atraso ni Marabe nga nalambigit sa resolution for sale dihang nanilbihan isip chief prosecutor sa Ozamiz City.
Wala usab gipadaplin sa kapulisan nga gipapatay ang abogado sa lalaki nga kanhi karelasyon sa babaye nga ka-live in partner karhung panahona.
Si Marabe aduna’y kaugalingon nga pamilya apan nakabaton kini og karelasyon sa babayeng gipa-working student sa niaging tuig.
