Bangud sa lalaki, nagguramusay sa lobby sang Iloilo City hall ang duha ka babaye nga empleyado sang siyudad sang nakaligad nga lunes, kadungan sang pag-serbe sang dismissal order kay anay Mayor Jed Patrick Mabilog.
Ginpahayag nga naakig ang 51-anyos nga misis nga regular employee matapos mahibaluan nga may relasyon ang 61 anyos nga job hire sa iya 51-anyos nga bana nga isa ka driver kabangdanan nga iya ini ginguramos sang magkitaay sila ground floor sang City hall.
Bangud sa natabu, ginpatawag kahapon ni City Administrator Atty. Hernando Gal;vez ang duha kag gin-istorya.
Suno kay Galvez nga isa ka administrative offense ang ginhimo sang duha kon sa diin mahimo ang mga ini mapasakaan sang kaso kag mahimo pa nga mapahalin ang job hire nga 61 anyos.
(c) web photo
