Ginapasalamatan ni DPWH Asst. Regional Director Jose Al Fruto ang Metro Iloilo Guimaras Economic and Development Council ukon MIGEDC sa bug-os nga suporta sa mga proyekto sang ahensya ilabi na ang pagpatindug sang duha ka fly-over sa Siyudad sang Iloilo
.
Suno kay Fruto nga daku ang bulig sang MIGEDC agud mapabalo sa publiko ang pagatukuron nga Ungka II kag Aganan Fly-over.
Ang Ungka II fly-over pagasuguran na ang Construction sa Lunes, Enero 13 kag may total contract price nga 480 million pesos.
Samtang ang Aganan Fly-over ang posible suguran sa bulan sang Pebrero ukon Marso kag may total contract price nga 560 million pesos.
Bangud sini, nagapangayo sang paghangup sang DPWH sa mga motorista sa huol nga matuga sang duha ka dalagku nga proyekto.
Ginpasiguro ni Fruto nga sa ton mahuman na ang nasambit nga mga fly-over, daku naman nga kasulhayan ang madulot sini sa mga motorista sa pagbiyahe ilabi na sa mga magapadulong sa Iloilo International airport.
