Duha ka balay ugdaw sa Bankerohan fire

14

Davao City – Naugdaw ang duha ka panimalay human miulbo ang sunog alas-8:37 sa Everly Hills, Bankerohan siyudad sa Davao.

Subay sa report gikan San Pedro PNP, ang duha ka balay nga nasunog gipag-iyahan nila ni Jocephine Sumayan, 46-anyos, ug usa ka Michael Duran.

Matud pa nagsugod ang sunog gikan sa panimalay sa pamilyang Sumayan diin paspas usab nga nikanit ang kalayo hinungdan nga gilamoy usab ang balay sa pamilyang Duran.

Nasuta sa kapolisan nga ang duha ka balay ginama sa lights materials.

Hinuon abtik usab nga napalong ang kalayo alas-8:42 sa buntag pinaagi sa Bureau of Fire Ptotection sa C.B Bangoy Sr. Fire Station.

Sa imbestigasyon nga gilusad ni FO1 Jesus Oxales, imbestigador sa C.B Bangoy Sr. Fire Station, nga kapin P30,000 ang damyos sa sunog diin wala pa usab masayri kung unsa ang hinungdan sa maong sunog.

RadyoMaN Don Pulayao

Facebook Comments