General Santos City–Gikabutyag ni Sarangani Board Member Arman Guille nga gigamit gayud sa sakto ang intelligence fund sa kapulisan ingon man matag LGU gani nagahatag matud pa ug report ang kapulisan ngadto kanila sa implementasyon sa pagpatuman sa peace and order sa maong probinsiya.
Pamahayag usab ni Guille nga duna usab mga programa ang kapulisan, kasundaluhan ingon man mga opisyal alang sa kahapsay ug kalinaw sa matag lugar sa probinsiya sa Sarangani.
Apan dili lang gayud malikayan nga malutsan sa gihapon ug dautang elemento tungod kay pulis lang ug sundalo ang ginabantayan sa mga criminal.
Gihingusgan usab ni Sarangani Board Member Jess Bascuna nga nagamit sa insakto ang intelligence fund sa kapulisan ug sa matag LGU apan dili kini buot pasabot nga maundang na ang krimen sa lugar.
Gipaklaro sa opisyal nga iyang nakita sa probinsiya nga wala man nagpasagad sa ilang trabaho ang kapulisan ingon man ang kasundaluhan aron lang mamintinar nga kanunay mahimong malinawon ang maong probinsiya.
Gani hugot nilang gipatuman ang pagbantay sa seguridad sa matag checkpoint sa mga tawo nga nagasulod ug gawas sa probinsiya sa Sarangani. (Reynald Timario)
