Compostela Valley- Padayon pang giimbestigahan sa kapolisan sa Pantukan ang motibo sa pagpusil patay sa duha ka bodyguard sa usa ka negosyante sa Pantukan, Comval Province, kagahapong adlawa.
Sumala sa imbestigasyon, nahitabo ang pagpamusil alas 2:00 sa hapon sa Barangay Napnapan, Pantukan diin ang mga biktima mao sila si Floresto Transe Jr., 51 anyos, minyo, nagpuyo sa Sitio Purok 5-A, Magdum, Tagum City ug Carlos Serotes, 59 anyos, minyo, nga taga-Alabel Sarangani Province.
Gibutyag sa asawa sa biktima nga si Elizabeth Transe, gipamusil ang duha ka mga biktima sa wala mailhing mga tawo sa makadaghang higayon igo sa ilang kalawasan nga miresulta sa ilang kamatayon gumikan nahimo kining private bodyguard sa usa ka wala gibutyag nga magpapatigayon.
Human sa pagpamusil gilayong mibiya ang mga suspetsado paingon sa bukiran nga bahin sa maong lugar.
Kasamang Jules Catisay
