Duha ka Brgy. kapitan sa Bansalan sikop sa illegal drugs

Davao City – Nasayrang nalakip sa narcolist ni President Rodrigo Duterte ang duha ka incumbent brgy. kapitan sa Bansalan Davao del Sur nga naaresto human nakuhaan og iligal nga droga ug pusil atol sa search warrant operation nga gikasa sa Provincial Drug Enforcement Unit at Regional Mobile Force Battalion kaganinang alas 5:30 sa kadlawun.

Kini ang gikumpirma ni Task Force Commander sa Regional Mobile Force Battalion-11 P/Supt. Maximo Sebastian Jr.

Samtang sa report sa PDEA Provincial Unit, giila ang mga dinakpan nga si Brgy. Chairman Glaymypher Ayok sa Brgy Bitaug ug si Brgy. Chairman Samuel Dicdican sa Brgy. Buenavista pulos sa Bansalan, Davao del Sur kinsa ang duha nakuhaan og mga gituohang shabu samtang si Ayok usab nakuhaan og usa ka unit sa armas nga Cal. .45.


Ang mga dinakpan mag atubang og kasong adunay kalapasan sa Republic Act 9165 o Comprehensive Dangerous Drugs Act of 2002 ug RA 10591 o illegal possession of firearms.

RadyoMaN Renz Barbarona

Facebook Comments