Davao City – Gi-endorso sa Brgy. Kapitan sa Brgy. Paciano Bangoy nga si Brgy. Kapitan Jovito Salazar ang duha ka mga binabaye nga naila usab nga sila si Wilfred Panal, 19 anyos, residente sa may Brgy. 21-C Piapi Boulevard, Lameson Gaudejos, 20 anyos ug residente sa may RGA Paciano Bangoy, sa dihang naghatag kini og disturbance ug kasaba, ug alledgedly nga nagapamugaw pa gayud sa ilang lugar.
Sumala pa sa rekord sa Sta. Ana PNP nga samtang nagroving ang personahe sa Brgy. Paciano kuyog ang ubang mga kagawad ug mga Brgy. Tanod bandang alas 11:30 sa tungang gabii, naatlan nila nga nagsaba-saba sa lugar kining nahisgutang mga binabaye hinungdan nga ila kini gisita kay ila usab nasiplatan nga nagapamugaw kini sa mga sakyanan nga moagi sa lugar.
Apan wala kuno nagpatoo ang mga naasoy hinungdan nga pugsanong gipangbitbit kini ug gipangdala sa buhatan sa Sta. Ana PNP.
Kapolisan naghimo na og dugang imbestigasyon aron masuta kun matood ba ang sumbong batok niining mga suspek.
RadyoMaN Paul Canono
